Preas

Cuirfidh TG4 tús le Clúdach ar Phríomhroinn Shacar na mBan an Deireadh Seachtaine seo ar Sacar Beo

07.03.25

 
Le tús á chur le clúdach an chainéil ar Phríomhroinn SSE Airtricity na mBan an deireadh seachtaine seo ar Sacar Beo, beidh níos mó aicsean ó shacar na mban ag TG4 ná mar a chur riamh cheana. 14 chluiche ar an iomlán ó shacar na mban a bheidh le craoladh beo an séasúr seo, agus TG4 ag leanúint dá dhílseacht ardán a thabhairt do spórt na mban.
 
I measc chlúdach na bliana seo beidh 13 chluiche ó Phríomhroinn na mBan, sin méadú ón 12 chluiche a craoladh an séasúr seo caite, chomh maith le Corn Uile-Oileáin na mBan a bheidh ar siúl i mí Lúnasa.
 
Cuirfear tús leis an aicsean Dé Sathairn an 8 Márta, ag 4.25pm leis na seaimpíní reatha Athlone Town AFC ag tabhairt aghaidh ar Wexford FC sa mbaile i Staid Bhaile Átha Luain.
 
Tá na chéad ceithre chluiche a bheidh le craoladh deimhnithe anois ag TG4:

• Babhta 1: Athlone Town AFC v Wexford FC – Dé Sathairn an 8 Márta 2025
• Babhta 3: Sligo Rovers FC v Waterford FC – Dé Sathairn an 22 Márta 2025
• Babhta 5: Bohemian FC v Shelbourne FC – Dé Sathairn an 12 Aibreán 2025
• Babhta 7: Cumann Sacair Ghaillimh Aontaithe v Athlone Town AFC – Dé Sathairn an 3 Bealtaine 2025

 
Fógrófar na cluichí eile amach anseo. Leis an gclúdach níos fairsinge seo ag cur le réimse iontach an chainéil de chomórtais na mban, a bhíonn ag méadú i gcónaí, tá TG4 ag fanacht dílis dá ngealltanas aird a tharraingt ar spórt na mban.

Ná cáil aon chuid de Phríomhroinn na mBan, beo agus saorchraolta, ar TG4 amháin.