Preas

TG4 ag Fleadh Cheoil na hÉireann 2024

02.08.24

Méara Loch Garman George Lawlor le láithreoirí Fleadh24 Freda Nic Giolla Chatháin, Fiona Ní Fhlaithearta, Aoife Ní Thuairisg, Peadar Ó Goill, Doireann Ní Glacáin

 
Físeán YouTube: Fleadh24
Pictiúrí ar fáil le h-íósloadáil anseo: https://we.tl/t-CCJIenawMJ Buíochas Melissa Mannion
 
 

Beidh Fleadh24 i gcroílár Fhleadh Cheoil na bliana seo agus craolfar ceithre oíche de léirithe iontacha agus de shiamsaíocht bheo ó cheithre stáitse i Sráidbhaile Teilifíse TG4 a bheidh lonnaithe i gCé an Chorráin i mBaile Loch Garman. Craolfar Fleadh24 beo gach oíche ó 21:30 i.n. ar TG4 agus ar fud na cruinne ar TG4.ie agus is iad Doireann Ní Ghlacáin, Aoife Ní Thuairisg agus Peadar Ó Goill a chuirfidh an clár i láthair. Bígí linn, bígí páirteach sa léiriú agus bainigí taitneamh as scoth na gceoltóirí Éireannacha agus idirnáisiúnta. Cuirfear na ceoltóirí cumasacha is mó a bhfuil tóir orthu ó chomórtais na Fleidhe os comhair an phobail. Is é TG4 urraitheoir meán cumarsáide Fhleadh Cheoil na hÉireann.
 
Fleadh24 – Déardaoin – Dé Domhnaigh, 8 – 11 Lúnasa – 21.30 i.n. gach oíche. Arna léiriú ag Power Pictures.
Beo ó Ché an Chorráin ar TG4 & TG4.ie

Fleadh24 – Na Comórtais: Déanfaidh TG4 i gcomhar le Fleadh Cheoil na hÉireann agus Comhaltas Ceoltóirí Éireann comórtais bheo a shruthú ón Aoine go dtí an Domhnach (9-11 Lúnasa), agus cuirfear clabhsúr leis an gcraoladh le comórtas Bannaí Céilí na Sinsear tráthnóna Dé Domhnaigh beo ó Chruinneachán na Fleidhe. Fiona Ní Fhlaithearta agus Freda Hatton a chuirfidh na comórtais i láthair beo ó Bhunscoil na Toirbhirte agus ó Chruinneachán na Fleidhe. Beifear ábalta na comórtais a fheiceáil beo ar TG4.ie agus ar Fleadhcheoil.ie. Lean @TG4TV chun tuilleadh eolais a fháil faoin ábhar a bheidh á shruthú. Arna léiriú ag Omedia.

• Fleadh24 – Na Comórtais – Dé hAoine an 9 Lúnasa ag 13:45 i.n. | Sruthú Beo | Consairtín (12-15) www.TG4.ie agus www.fleadhcheoil.ie
• Fleadh24 – Na Comórtais – Dé hAoine an 9 Lúnasa ag 15:45 i.n. | Sruthú Beo | Tionlacan (O-18) www.TG4.ie agus www.fleadhcheoil.ie
• Fleadh24 – Na Comórtais – Dé Sathairn an 10 Lúnasa ag 09.45 r.n. | Sruthú Beo | Mileoidean (O-18) www.TG4.ie agus www.fleadhcheoil.ie
• Fleadh24 – Na Comórtais – Dé Sathairn an 10 Lúnasa ag 13.15 i.n. | Sruthú Beo | Cruit (15-18) www.TG4.ie agus www.fleadhcheoil.ie
• Fleadh24 – Na Comórtais – Dé Sathairn an 10 Lúnasa ag 15.45 i.n. | Sruthú Beo | Rogha Gléas (15-18) www.TG4.ie agus www.fleadhcheoil.ie
• Fleadh24 – Na Comórtais – Dé Domhnaigh an 11 Lúnasa ag 18.15 i.n. | Sruthú Beo | Bannaí Céilí (O-18) www.TG4.ie agus www.fleadhcheoil.ie

Tapaigh do dheis! Beidh Cúla4 agus Niamh Ní Chróinín ar shráideanna Loch Garman le linn Fhleadh na bliana seo, ó mheán lae Dé hAoine an 9 Lúnasa agus ó mheán lae Dé Sathairn an 10 Lúnasa. Beidh stáitse soghluaiste leo chun go mbeidh deis agat do chumas ceoil, amhránaíochta, damhsa nó go deimhin aon bhua eile atá agat a chur os comhair an tslua ar an lá agus ar líne fiú mar go mbeidh na sárthaispeántais á dtaifeadadh agus á gcraoladh ar chainéil meán sóisialta Cúla4. Gheobhaidh gach duine a ghlacfaidh páirt mála féiríní ó Cúla4 freisin.

• Cúla4 – Dé hAoine an 9 Lúnasa ó mheán lae ar aghaidh | Sráideanna Loch Garman
• Cúla4 – Dé Sathairn an 10 Lúnasa ó mheán lae ar aghaidh | Sráideanna Loch Garman

Lean muid @TG4TV & @TradTG4 #Fleadh24
 

Tar ar do Threibh

Teangmháil do na meáin: Linda Ní Ghríófa linda.ni.ghriofa@tg4.ie 087-9172864