Preas

Féirín Spóirt le Bronnadh ag TG4 an Nollaig Seo

09.12.24

Cuirfidh TG4 sceideal ollmhór den spórt beo ar fáil aimsir na Nollag, agus is féidir le lucht spéise Rugbaí, CLG agus Pheil na mBan a bheith cinnte de nach gcaillfidh siad nóiméad de. Ó chluichí móra deacra i gCraobhchomórtas an Rugbaí Aontaithe go dtí cluichí teasaí i gCraobhacha na gClubanna AIB, is é TG4 fós príomhbhaile an spóirt bheo i rith aimsir na Nollag.

 
An Craobhchomórtas Rugbaí Aontaithe

Cuirfidh TG4 tús leis an gclúdach seo le cúig chluiche bheo URC. Léireofar an choimhlint mhór idir na cúigí mar aon le dearbhaithe den scoth le sárfhoirne na hAfraice Theas.

•    20 Nollaig: Cúige Mumhan v Cúige Uladh

•    21 Nollaig: Dhá Chluiche i nDearbaí na hAfaice Theas: Stormers v Lions / Sharks v Bulls

•    27 Nollaig: Cúige Mumhan v Cúige Laighean – cluiche cinniúnach shéasúr na Nollag nár cheart a chailleadh

•    28 Nollaig: Stormers v Sharks

Cibé más cluichí idir foirne na hÉireann nó idir sárfhoirne idirnáisúnta atá uait, beidh rogha breá againn do lucht leanta URC.

 
Craobhchomórtais CLG na gClubanna AIB

Agus na babhtaí leathcheannais ag teannadh linn i gCraobhchomórtas Iomána AIB, craolfaidh TG4 dhá chluiche iomána den scoth i gCraobh na Sinsear beo an 15 Nollaig:

•    Sleacht Néill (Doire) v Na Sáirséalaigh (Corcaigh)

•    Na Fianna (Áth Cliath) v Baile Locha Riach (Gaillimh)

Déanfar na cluichí leathcheannais go léir sa tSraith Sóisear agus sa tSraith Idirmheánach a shruthú beo freisin ar chainéal YouTube Spórt TG4 an deireadh seachtaine sin.

Beidh na cluichí leathcheannais sa Pheil Ghaelach i lár an aonaigh an 5 Eanáir, ina measc:

•   Cuala (Áth Cliath) v Cúil Irra/An Leathros (Sligeach)

•   Na Crócaigh (Ciarraí) v Aireagal Chiaráin (Tír Eoghain)

Beidh na cluichí leathcheannais Peile sa tSraith Sóisear agus sa tSraith Idirmheánach á gcraoladh beo ar YouTube Spórt TG4.

 
Cluichí Ceannais Pheil na mBan AIB

Leanann TG4 de bheith tiomanta do Pheil na mBan le craoladh beo le déanamh ar thrí chluiche ceannais na gclubanna.

•    14 Nollaig: Na Sinsir – Cill Choirín Cluain Bheirn (Gaillimh) v Cill Mochuda Na Crócaigh (Áth Cliath)

•    14 Nollaig: Idirmheánach – Eanach Dhúin (Gaillimh) v Binn an Choire/Tigh an Réileáin (Ceatharlach)

•    15 Nollaig: Na Sóisir ar YouTube Spórt TG4 – Mungairit Naomh Pól (Luimneach) v Na Dúnaibh (Dún na nGall)

 
Is é TG4 an áit is fearr don spórt beo an Nollaig seo agus beidh gach cic, cluiche agus úd á gcraoladh againn idir an cainéal teififíse agus na hardáin ar líne.

 
Ná cáil aon chuid de chluichí móra na Nollag – a bheidh á gcraoladh beo ar TG4!