Preas

An Tour de France ar TG4 ó Dé Sathairn an 29 Meitheamh

An rás rothaíochta is mó ar domhan á chraoladh beo ar TG4

19.06.24

^{Pictiúir: Pádraic Ó Cuinn agus Páidí Ó Lionáird}

Tá mioneolas fógartha ag TG4 faoi chraoladh beo teilifíse Tour de France 2024, an rás rothaíochta is mó le rá ar domhain, ar an stáisiún sin amháin.
Cuirtear tús le craoladh beo stáisiúin ar an Tour maidin Dé Sathairn, an 29 Meitheamh le cúrsa tosaigh an ráis ó Flórans go Rimini san Iodáil.

Beidh trí seachtaine an Tour le feiceáil beo ar TG4 (mionsonraí thíos) ón lá tosaigh Dé Sathairn, an 29 Meitheamh go dtagtar go ceann scríbe i Nice Dé Domhnaigh, an 21 Iúil. Beidh cúig uair an chloig ar an meán á gcraoladh beo gach lá chomh maith le clár leathuaire ag a 9 i.n. gach oíche ar a bhfeicfear buaicphointí an lae, réamhthráchtaireacht ar a bhfuil i ndán, torthaí agus agallaimh. Beidh clár eile de bhuaicphointí na seachtaine á chraoladh gach Luan.

Páidí Ó Lionáird agus Pádraic Ó Cuinn a bheidh i mbun tráchtaireachta.

Beidh an Tour á chraoladh beo freisin ar Sheinnteoir TG4, ar www.TG4.ie agus ar Aip TG4 https://nasc.tg4.tv/TG4-Player-App

Is é rás na bliana 2024 an 111ú uair a bhfuil an Tour de France, ceann de na 3 Grand Tours gach bliain, á eagrú. Is é an chéad uair riamh é nach i bPáras a bheidh an ceann scríbe, mar gheall ar an ullmhúchán do na Cluichí Oilimpeacha agus do na Cluichí Parailimpeacha.

Craoladh beo ar Chúrsa an lae ó Dé Sathairn, an 29 Meitheamh, amach.
Clár leathuaire de bhuaicphointí an lae gach oíche ag a 9 i.n.
Súil siar ar aicsean na seachtaine gach Luan ar ‘Tour de France – Súil Siar na Seachtaine’
Craoladh beo ar Sheinnteoir TG4, ar TG4.ie agus ar Aip TG4

Tour de France 2024 – Craoladh ar TG4
Dáta	Cúrsa	Láthair	Fad	Craoladh ar TG4
Dé Sathairn an 29 Meitheamh	Cúrsa 1	FLORENCE > RIMINI	206 KM	10:50:00
Dé Domhnaigh an 30 Meitheamh	Cúrsa 2	CESENATICO > BOLOGNE	199 KM	11:05:00
Dé Luain, an 1 Iúil	Cúrsa 3	PLAISANCE > TURIN	230.5 KM	11:45:00
Dé Máirt, an 2 Iúil	Cúrsa 4	PINEROLO > VALLOIRE	140 KM	11:55:00
Dé Céadaoin, an 3 Iúil	Cúrsa 5	SAINT-JEAN-DE-MAURIENNE > SAINT-VULBAS	177.5 KM	13:00:00
Déardaoin, an 4 Iúil	Cúrsa 6	MÂCON > DIJON	163.5 KM	13:00
Dé hAoine an 5 Iúil	Cúrsa 7	NUITS-SAINT-GEORGES > GEVREY-CHAMBERTIN	25.3 KM	11:55:00
Dé Sathairn, an 6 Iúil	Cúrsa 8	SEMUR-EN-AUXOIS > COLOMBEY-LES-DEUX-ÉGLISES	183.5 KM	13:00:00
Dé Domhnaigh an 7 Iúil	Cúrsa 9	TROYES > TROYES	199 KM	12:05:00
Dé Luain, an 8 Iúil	Lá Sosa 1	ORLÉANS
Dé Máirt, an 9 Iúil	Cúrsa 10	ORLÉANS > SAINT-AMAND-MONTROND	187.5 KM	13:00:00
Dé Céadaoin, an 10 Iúil	Cúrsa 11	ÉVAUX-LES-BAINS > LE LIORAN	211 KM	11:00:00
Déardaoin, an 11 Iúil	Cúrsa 12	AURILLAC > VILLENEUVE-SUR-LOT	204 KM	12:00:00
Dé hAoine an 12 Iúil	Cúrsa 13	AGEN > PAU	165.5 KM	13:00:00
Dé Sathairn, an 13 Iúil	Cúrsa 14	PAU > SAINT-LARY-SOULAN PLA D’ADET	152 KM	11:55:00
Dé Domhnaigh an 14 Iúil	Cúrsa 15	LOUDENVIELLE > PLATEAU DE BEILLE	198 KM	10:45:00
Dé Luain, an 15 Iúil	Lá Sosa 2	GRUISSAN
Dé Máirt, an 16 Iúil	Cúrsa 16	GRUISSAN > NÎMES	189 KM	13:00:00
Dé Céadaoin, an 17 Iúil	Cúrsa 17	SAINT-PAUL-TROIS-CHÂTEAUX > SUPERDÉVOLUY	178 KM	11:25:00
Déardaoin, an 18 Iúil	Cúrsa 18	GAP > BARCELONNETTE	180 KM	11:50:00
Dé hAoine an 19 Iúil	Cúrsa 19	EMBRUN > ISOLA 2000	145 KM	11:05:00
Dé Sathairn, an 20 Iúil	Cúrsa 20	NICE > COL DE LA COUILLOLE	133 KM	12:30:00
Dé Domhnaigh an 21 Iúil	Cúrsa 21	MONACO > NICE	33.7 KM	13:30:00