Skip to main content
< ar ais go TG4.ie

Preas

Beidh TG4 ag ceiliúradh an Oireachtais arís i mbliana ó Óstán an Citywest i gCo. Bhaile Átha Cliath.

Beidh TG4 beo ar aer, ar líne agus ar na meáin shóisialta le linn na féile.

TG4 ag Ceiliúradh an Oireachtais - #OnaS19

24.10.19

 

Beidh meitheal Nuacht TG4 ag léiriú trí chlár ‘Oireachtas 2019’ oíche Dé Céadaoin, Déardaoin agus Dé hAoine.
Craolfar an clár siamsaíochta ‘Lár Stáitse’ ag 8pm ar an Aoine agus beidh an príomh-chomórtas damhsa ar an sean-nós ‘Steip’ beo ar an Satharn ó 1.15pm.

Beidh deis na healaíona béil dúchasacha a fheiceáil beo ar YouTube mar a mbeidh na comórtais Agallamh Beirte, Lúibíní, Amhráin Saothair á sruthú.

Beidh scoth na bhfonnadóirí le feiceáil beo ar youtube áit a chraolfar na comórtais Corn na bhFear san oíche Déardaoin,  Corn na mBan oíche Dé hAoine agus beifear ag tuar cá rachaidh Corn Uí Riada 2019 oíche Dé Sathairn.  Beidh an comórtas amhránaíochta do dhéagóirí ‘BEO’ curtha i láthair ag Niamh Ní Chróinín á sruthú ar YouTube freisin.

Seolfar an clár faisnéise ‘Toraigh: Creag Bheag i Lár na Farraige‘ ar an Aoine 1ú Samhain ag a 5pm, sula gcraolfar é ar an 20ú Samhain ar TG4.

Beidh leanaí an Oireachtais ag súil go mór le féasta Cúla 4 maidin Dé Sathairn óna a 11, áit a bhfaighidh siad blaiseadh de chláir nua Cúla 4 An Siopa Ealaíne agus C.L.U.B

Ar an gcéad oíche den fhéile, beidh sruthú beo ar na Gradaim Chumarsáide ar YouTube óna 19:30.

Beidh ‘Tob-Chartlann’ TG4 ar fáil in Aonach an Oireachtais áit a bheidh deis féachaint agus eolas a fháil ar chláir ón gcartlann agus ar an gcartlann cuimsitheach Sean-Nós.

Mar is iondúil, beidh MOLSCÉAL ar na meáin shóisialta ag ceiliúradh sprioad, cairdeas agus comhluadar an Oireachtais.

Tá fáil go héasca ar na sonraí agus na craoltaí seo ar fad ag www.tg4.ie/oireachtas.

 

Dé Céadaoin, 30ú Deireadh Fómhar 2019

  • Oireachtas 2019                          7:30pm
  • An Cairpéad Dearg                     7:30pm                YouTube
  • Na Gradaim Cumarsáide          8:00pm                YouTube

 

Déardaoin, 31ú Deireadh Fómhar 2019

  • Agallamh Beirte                          2:00pm                   YouTube
  • Sean-Nós na bhFear                  7:00pm                   YouTube
  • Oireachtas 2019                         8:00pm
  • Comórtas Beo                             8:00pm                   YouTube

 

Dé hAoine, 1ú Samhain 2019

  • Lúibíní / Amhráin Saothair                                 2:00pm                  YouTube
  • Toraigh: Creagh Bheag i lár na Farraige           5:00pm                  Svuít Kingswood
  • Oireachtas 2019                                                     6:25pm
  • Sean-Nós na mBan                                               7:00pm                   YouTube
  • Lár Stáitse                                                               8:00pm

 

Dé Sathairn, 2ú Samhain 2019

  • Coisir Cúla4                                     11am                         Svuít Citywest
  • Steip                                                   1:15pm
  • Corn Uí Riada                                  7:00pm                   YouTube

 

Teagmháil do na Meáin:
Deirdre Ní Choistín, Bainisteoir Cumarsáide TG4 | deirdre.ni.choistin@tg4.ie | 086-1453527

Cuir aithne orainn: