Folúntais

Maor Craolacháin

1x Conradh Buan
1x Conradh Cuspóra Sheasta

Tá TG4, an tseirbhís náisiúnta teilifíse Gaeilge, lonnaithe i mBaile na hAbhann, Co. na Gaillimhe. Tá sé i gceist ag TG4 post, Maor Craolacháin, a bheidh lonnaithe sa Cheannáras i nGaeltacht na Gaillimhe, a earcú ar chonradh buan. Chomh maith le sin, is mian le TG4 Maor Craolacháin breise a earcú chun tréimhse saoire máithreachais a chlúdach. Beidh na daoine a roghnófar freagrach don Bhainisteoir Oibríochtaí.

Is fostóir comhdheiseanna é TG4 agus déanfar iarratais incháilithe a mheas beag beann ar inscne, gnéaschlaonadh, aois, taithí shóisialta, cine agus eitneacht, éagumas, stádas sibhialta an teaghlaigh, creideamh nó ar duine den Lucht Siúil atá i gceist. Tá TG4 i bhfabhar na héagsúlachta. Fáilteoidh muid roimh iarratais ó dhaoine ó chúlraí éagsúla.
 
Beidh an té a cheapfar freagrach as:

• Oiliúint a fháil sna bogearraí agus sa trealamh atá in úsáid agus iad a oibriú go gairmiúil mar aon le tuiscint a bheith aige nó aici ar a bhíonn le déanamh i gcásanna éigeandála.
• Sceideal TG4 a chur go haer
• Monatóireacht a dhéanamh ar Aschur TG4 ar fud na n-ardán
• Maoirseacht a dhéanamh ar Thograí Aschuir (mar shampla Ardáin Virgin / Cartlann)
• A dheimhniú go bhfuil an t-ábhar á chraoladh ar ardchaighdeán
• Ábhar d’Aschur TG4 a ullmhú agus a sheiceáil (Spotseiceáil / Mionbhlaisíní a roghnú)
• Maoirseacht a dhéanamh ar Aschur TG4 – (i gcás go n-imíonn muid den aer)
• A dheimhniú go bhfuil Aschur TG4, mar atá geallta againn, ar fáil don Lucht Féachana
• Tuairisciú a dhéanamh ar fhadhbanna de réir na dtreoracha reatha
• Na tuairiscí laethúla a líonadh gach lá de réir na dtreoracha reatha
• Smacht a choinneáil ar chláracha agus ar phacáistí a thagann isteach ag TG4 agus a imíonn amach as TG4 trí KU / LiveU agus sruthanna Beo thar IP a úsáid.

 
Riachtanais an phoist seo:

• Ní mór céim sa chumarsáid nó taithí theicniúil bliana ar a laghad a bheith ag an iarrthóir.
• Éireoidh leat sa ról seo más duine tú atá ábalta oibriú go muiníneach agus go héifeachtach as do stuaim féin i dtimpeallacht spreagúil. Beifear ag súil go mbeidh tú dírithe ar an obair, go mbeidh ardscileanna cumarsáide agat, go mbeidh súil ghrinn ar mhionsonraí agus cumas maith eagrúcháin agat, go mbeidh tú ábalta oibriú mar chuid d’fhoireann agus go mbeidh taithí chruthaithe agat i ról den chineál céanna.
• Beidh eolas maith agat ar ríomhairí, ar na hardáin meán sóisialta agus beidh an cumas ionat córais nua a fhoghlaim go tapa. Cuirfear oiliúint ar fáil ar chórais TG4.
• Is í an Ghaeilge teanga oibre TG4 agus mar sin tá sé riachtanach Gaeilge líofa a bheith ag an té a cheapfar, idir scríobh agus labhairt na teanga.

 
4pm Dé hAoine an 28 Feabhra 2025 an spriocdháta d’iarratais.
Seol do CV mar aon le litir iarratais chuig cv@tg4.ie.
 

Teicneoir Innealtóireachta agus Tacaíochta TF

Conradh Buan

Is mian le TG4 teicneoir tacaíochta Innealtóireachta agus Teicneolaíochta Faisnéise (TF) a earcú a bheidh lonnaithe i gCeanncheathrú TG4 i nGaeltacht na Gaillimhe. Ag tuairisciú don Bhainisteoir Innealtóireachta, cuirfidh an ról seirbhísí tacaíochta teicniúla agus deisce cabhrach ar fáil do chórais Innealtóireachta agus TF TG4.

Is fostóir comhdheiseanna é TG4 agus breithneofar iarratais incháilithe beag beann ar inscne, gnéaschlaonadh, aois, stádas sibhialta, cine agus eitneacht, míchumas, stádas teaghlaigh, reiligiún nó ballraíocht den Lucht Siúil. Tá dearcadh dearfach ag TG4 i leith na héagsúlachta. Cuirimid fáilte roimh iarratais ó dhaoine ó chúlraí éagsúla. Tacaíonn TG4 le fostaíocht daoine faoi mhíchumas.
 
Beidh an t-iarrthóir a n-éireoidh leis freagrach as na nithe seo a leanas:

• Tacaíocht theicniúil a chur ar fáil ar an láthair i TG4 agus d’úsáideoirí cianda
• Tacaíocht a chur ar fáil do na foirne TF, Cibearshlándála agus Innealtóireachta
• Cabhrú le córais TF agus Craolacháin atá ann cheana a chothabháil agus monatóireacht a dhéanamh orthu, Fadhbanna le córais oibriúcháin Windows, Mac, GNU/Linux agus crua-earraí agus bogearraí eile a aithint agus a dheisiú
• Cúnamh a thabhairt próisis a fhorbairt agus a chur i bhfeidhm chun timpeallacht sheasmhach ghréasáin a choinneáil
• Cothabháil an chórais ticéadaithe tacaíochta inmheánaí
• Cothabháil agus uasghráduithe bhonneagar LAN
• Cúnamh a thabhairt le hobair tionscadail chun bonneagar teicneolaíochta na cuideachta a fhorbairt
• Teicneolaíocht nua a thástáil agus a mheas
• Cúnamh a thabhairt stáisiúin oibre agus gairis fhorimeallacha Windows a leagan amach, a shocrú agus a chothabháil.
• Bainistiú a dhéanamh ar thabhairt amach ríomhairí glúine/stáisiún oibre nua.
• Cáipéisíocht na gcóras TF a fhorbairt agus a chothabháil
• Stocáil soláthairtí TF agus fardal sócmhainní TF a choinneáil
• Gnáthchúraimí cothabhála a dhéanamh, lena n-áirítear ceadúnais bogearraí a nuashonrú agus a shuiteáil
• Cúnamh a thabhairt fostaithe nua a ionduchtú trí chuntais agus gairis TF a bhunú
• Páirt a ghlacadh i bpleanáil agus tástáil athshlánaithe ó thubaiste

 
Riachtanais an Phoist:

• Cáilíocht tríú leibhéal sa Teicneolaíocht Faisnéise nó i réimse gaolmhar
• Taithí 2 bliana ar a laghad i ról den chineál céanna
• Córais oibriúcháin Windows, Mac, agus GNU/Linux a chothabháil
• Eolas ar phríomh-fheidhmchláir ghnó ar an ríomhaire deisce agus sa néal
• Scileanna eagrúcháin, agus aird mhór ar mhionsonraí
• Sárscileanna cumarsáide
• Ábalta próisis, nósanna imeachta agus torthaí a thaifeadadh
• Sárscileanna oibre foirne agus taithí chruthaithe ar bheith ag obair mar bhall d’fhoireann bheag
• Is í an Ghaeilge teanga oibre TG4 agus tá sé riachtanach dá réir go mbeadh Gaeilge labhartha agus scríofa den scoth ag an iarrthóir a n-éiríonn leis.

 
Tá an méid seo a leanas inmhianaithe d’iarrthóirí:

• Scileanna forbartha bogearraí lena n-áirítear códú agus scriptiú
• Uathoibriú tascanna riaracháin ag baint úsáid as PowerShell nó teangacha scriptithe eile.
• Tuiscint ar bhunphrionsabail an líonraithe

 
Tá polasaí oibre solúbtha i bhfeidhm ag TG4. Is í an Ghaeilge teanga oibre TG4.

Is é 4pm, Dé hAoine, an 14 Márta 2025, an spriocdháta d’iarratais. Seol d’iarratas mar aon le litir chumhdaigh chuig cv@tg4.ie.

Comhairle Lucht Féachana TG4

Cuirfidh TG4 fáilte roimh léirithe spéise ó dhaoine le Gaeilge líofa ar mian leo a bheith ina gcomhaltaí ar Chomhairle Lucht Féachana TG4.

Fáilteofar roimh iarratais o dhaoine atá ionadaíoch ar an phobal féachana i gcoitine, ar phobal Gaeltachta agus go mórmhór iad siúd atá ionadaíoch ar an lucht féachana Cúla4 nó ar an óige.

Is í feidhm na Comhairle ná tuairimí agus aiseolas a chur in iúl don Bhord agus do fhoireann bhainistíochta TG4. Is deis í seo do dhaoine tacú le TG4 ar bhealach praiticiúil tríd aiseolas luachmhar a roinnt maidir le raon agus caighdeán an ábhair ag TG4.

Is é Bord TG4 a cheapann comhaltaí na Comhairle. Beidh comhalta ar Bhord TG4 mar Chathaoirleach ar an gComhairle agus ceapfar ceathrar déag comhaltaí eile ó réimse cúlraí agus aoisghrúpaí.

Bíonn dhá chruinniú sa mbliain ag an gComhairle Lucht Féachana.

Tá ról agus dualgais na Comhairle leagtha amach in Alt 96 den Acht Craolacháin 2009. Treoraítear ansin don Bhord daoine a cheapadh ar an gComhairle Lucht Féachana atá “ionadaitheach ar an phobal féachana agus éisteachta agus, go háirithe, ar phobail Ghaeltachta, ar dhaoine faoi mhíchumas radhairc nó éisteachta agus go mbeidh na comhaltaí ..in ann cumarsáid inniúil a dhéanamh as Gaeilge.”

Iarrtar ar dhaoine ar suim leo a bheith ina gcomhaltaí Comhairle agus a bhfuil a gcáilíocht ag teacht leis na riachtanais atá luaite thuas san Acht, a suim a léiriú trí litir iarratais agus CV gearr (1 lch) a sholáthar ina dtugtar na gnáth-shonraí pearsanta mar aon le seoladh reatha r phoist agus gnáth-phoist agus deimhniú ar a gcumas cumarsáide i nGaeilge.

Seol d’iarratas ar r phost chuig comhairle@tg4.ie roimh an 08 Márta 2025
nó sa bpost chuig:
Comhairle Lucht Féachana, Oifig an Ardstiúrthóra, TG4, Baile na hAbhann, Co na Gaillimhe.

Leanfaidh tréimhse an Chomhairle Lucht Féachana suas go 5 bliana ag braith ar athruithe sa reachtaíocht craolacháin.

Níl táille i gceist. Clúdófar costais le freastal ar chruinnithe.