Tá Gardaí i gCo.Dhún i nGall ag lorg cabhair ón bpobal maidir le taisme bóthair a tharla sa chontae inniu.
Ar an R 245 ag Carraig Airt a tharla an timpiste agus tuigtear gur aon fheithiceal amháin a bhí i gceist.
Maraíodh tiománaí veain, fear sna seachtóidí san eachtra a tharla go gairid tar éis mheánlae.
Tugadh corp an fhir go dtí Ospidéal na hOllscoile, Leitir Ceanainn.
Tá an bóthar dúnta ó shin agus scrúduithe teicniúla á ndéanamh.
Iarrann gardaí ar dhaoine a bhí sa cheantar idir meánlae agus 1300 inniu chomh maith le daoine a bhfuil físeáin 'dash cam' acu dul i dteagmháil leo.