Seán Mac an tSíthigh
Roimh bhreacadh an lae sa Daingean a chuir banna fíf agus drum an bhaile tús leis an bparáid is luaithe in Éirinn.
Téann an traidisiún siar go dtí aimsir Chogadh na Talún nuair a chuir na húdaráis cosc ar thionólacha idir éirí agus luí na gréine.
Bhí na céadta sna sála ar an mbanna ceoil agus cúrsa an bhaile á dhéanamh acu sa dorchadas, na drumaí agus na fífeanna ag baint macalla as na sráideanna.
Deir Tomás Ó Loinsigh, ball don mbanna ceoil, gur cuid mhór d'oidhreacht an bhaile an pharáid.
Deir Aoife Ní Ghrainbhéil go bhfuil an-spéis á léiriú ag an nglúin óg san ócáid anois.
Cuireadh clabhsúr leis an ócáid le hAifreann na maidne do cheiliúradh na Féile Pádraig.