Thóg na Gardaí scútair leictreacha, gluaisrothair leictreacha, armlón agus nithe éagsúla eile nuair a chuardaigh siad 24 áitreabh i dtuaisceart Bhaile Átha Cliath inné.
Baintear leas go minic as scútair leictreacha agus feithiclí éadroma cosúil leo le drugaí a sheachadadh ar éileamh ó áit go háit agus le héalú go mear ó na Gardaí.
Inné, thóg na Gardaí fiche scútar leictreach, sé ghluaisrothar leictreacha, sé rothar leictreacha agus gluaisrothar a chreideann siad a goideadh dhá mhí ó shin,
Meastar luach idir €200 agus €10,000 a bheith sna feithiclí éagsúla.
Ina cheann sin, tógadh naoi bpiléar déag, €3,410 in airgead tirim agus earraí dearthóra a meastar luach €9,000 a bheith orthu.
Deir na Gardaí nach bhfuil aon duine gafa acu mar chuid dá bhfiosrúchán fós.
Nuacht agus Cúrsaí Reatha RTÉ