Folúntais

Maor Craolacháin

Conradh Buan

Tá TG4, an tseirbhís náisiúnta teilifíse Gaeilge, lonnaithe i mBaile na hAbhann, Co. na Gaillimhe. Tá sé i gceist ag TG4 post, Maor Craolacháin, a bheidh lonnaithe sa Cheannáras i nGaeltacht na Gaillimhe, a earcú ar chonradh buan. Beidh an duine a roghnófar freagrach don Bhainisteoir Oibríochtaí.

Is fostóir comhdheiseanna é TG4 agus déanfar iarratais incháilithe a mheas beag beann ar inscne, gnéaschlaonadh, aois, taithí shóisialta, cine agus eitneacht, éagumas, stádas sibhialta an teaghlaigh, creideamh nó ar duine den Lucht Siúil atá i gceist. Tá TG4 i bhfabhar na héagsúlachta. Fáilteoidh muid roimh iarratais ó dhaoine ó chúlraí éagsúla.
 
Beidh an té a cheapfar freagrach as:

• Oiliúint a fháil sna bogearraí agus sa trealamh atá in úsáid agus iad a oibriú go gairmiúil mar aon le tuiscint a bheith aige nó aici ar a bhíonn le déanamh i gcásanna éigeandála.
• Sceideal TG4 a chur go haer
• Monatóireacht a dhéanamh ar Aschur TG4 ar fud na n-ardán
• Maoirseacht a dhéanamh ar Thograí Aschuir (mar shampla Ardáin Virgin / Cartlann)
• A dheimhniú go bhfuil an t-ábhar á chraoladh ar ardchaighdeán
• Ábhar d’Aschur TG4 a ullmhú agus a sheiceáil (Spotseiceáil / Mionbhlaisíní a roghnú)
• Maoirseacht a dhéanamh ar Aschur TG4 – (i gcás go n-imíonn muid den aer)
• A dheimhniú go bhfuil Aschur TG4, mar atá geallta againn, ar fáil don Lucht Féachana
• Tuairisciú a dhéanamh ar fhadhbanna de réir na dtreoracha reatha
• Na tuairiscí laethúla a líonadh gach lá de réir na dtreoracha reatha
• Smacht a choinneáil ar chláracha agus ar phacáistí a thagann isteach ag TG4 agus a imíonn amach as TG4 trí KU / LiveU agus sruthanna Beo thar IP a úsáid.

 
Riachtanais an phoist seo:

• Ní mór céim sa chumarsáid nó taithí theicniúil bliana ar a laghad a bheith ag an iarrthóir.
• Éireoidh leat sa ról seo más duine tú atá ábalta oibriú go muiníneach agus go héifeachtach as do stuaim féin i dtimpeallacht spreagúil. Beifear ag súil go mbeidh tú dírithe ar an obair, go mbeidh ardscileanna cumarsáide agat, go mbeidh súil ghrinn ar mhionsonraí agus cumas maith eagrúcháin agat, go mbeidh tú ábalta oibriú mar chuid d’fhoireann agus go mbeidh taithí chruthaithe agat i ról den chineál céanna.
• Beidh eolas maith agat ar ríomhairí, ar na hardáin meán sóisialta agus beidh an cumas ionat córais nua a fhoghlaim go tapa. Cuirfear oiliúint ar fáil ar chórais TG4.
• Is í an Ghaeilge teanga oibre TG4 agus mar sin tá sé riachtanach Gaeilge líofa a bheith ag an té a cheapfar, idir scríobh agus labhairt na teanga.

 
5pm Dé Céadaoin an 27 Samhain 2024 an spriocdháta d’iarratais. Beidh na hagallaimh don ról seo ar siúl le linn na chéad seachtaine de mhí na Nollaig 2024.

Seol do CV mar aon le litir iarratais chuig cv@tg4.ie.

Intéirn Maor Craolacháin

Conradh Bliana

Tá sé i gceist ag TG4 Tréimhse Intéirneachta mar Mhaor Craolacháin, a bheidh lonnaithe sa Cheannáras i nGaeltacht na Gaillimhe, a thairiscint ar chonradh bliana. Beidh an duine a roghnófar freagrach don Bhainisteoir Oibríochtaí.

Is fostóir comhdheiseanna é TG4 agus déanfar iarratais incháilithe a mheas beag beann ar inscne, gnéaschlaonadh, aois, taithí shóisialta, cine agus eitneacht, éagumas, stádas sibhialta an teaghlaigh, creideamh nó ar duine den Lucht Siúil atá i gceist. Tá TG4 i bhfabhar na héagsúlachta. Fáilteoidh muid roimh iarratais ó dhaoine ó chúlraí éagsúla.

Is deis é seo do dhuine atá ag tosú amach san earnáil físe agus atá ag iarraidh taithí phraiticiúil a fháil chun cur leis an oiliúint atá faighte acu go dtí seo. Íocfar tuarastal le linn na bliana taithí oibre seo agus beidh deiseanna oiliúna eile ar fáil le linn na bliana.
 

Beidh deis ag an duine a roghnófar taithí a fháil ar na gnéithe éagsúla seo thíos:
Oiliúint a fháil sna bogearraí agus sa trealamh atá in úsáid agus iad a oibriú go gairmiúil mar aon le tuiscint a bheith aige nó aici ar a bhíonn le déanamh i gcásanna éigeandála.

• Sceideal TG4 a chur go haer
• Monatóireacht a dhéanamh ar Aschur TG4 ar fud na n-ardán
• Maoirseacht a dhéanamh ar Thograí Aschuir (mar shampla Ardáin Virgin Media / Cartlann)
• A dheimhniú go bhfuil an t-ábhar á chraoladh ar ardchaighdeán
• Ábhar d’Aschur TG4 a ullmhú agus a sheiceáil (Spotseiceáil / Mionbhlaisíní a roghnú)
• Maoirseacht a dhéanamh ar Aschur TG4 – (i gcás go n-imíonn muid den aer)
• A dheimhniú go bhfuil Aschur TG4, mar atá geallta againn, ar fáil don Lucht Féachana
• Tuairisciú a dhéanamh ar fhadhbanna de réir na dtreoracha reatha
• Na tuairiscí laethúla a líonadh gach lá de réir na dtreoracha reatha
• Smacht a choinneáil ar chláracha agus ar phacáistí a thagann isteach ag TG4 agus a imíonn amach as TG4 trí KU / LiveU agus sruthanna Beo thar IP a úsáid.

Riachtanais an phoist seo:

• Tá an ról seo dírithe ar dhaoine atá ag tabhairt faoi chéim sa chumarsáid faoi láthair nó a bhfuil céim / taithí theicniúil bliana ar a laghad acu.
• Éireoidh leat sa ról seo más duine tú atá ábalta oibriú go muiníneach agus go héifeachtach as do stuaim féin i dtimpeallacht spreagúil. Beifear ag súil go mbeidh tú dírithe ar an obair, go mbeidh ardscileanna cumarsáide agat, go mbeidh súil ghrinn ar mhionsonraí agus cumas maith eagrúcháin agat, go mbeidh tú ábalta oibriú mar chuid d’fhoireann agus go mbeidh taithí chruthaithe agat i ról den chineál céanna.
• Beidh eolas maith agat ar ríomhairí, ar na hardáin meán sóisialta agus beidh an cumas ionat córais nua a fhoghlaim go tapa. Cuirfear oiliúint ar fáil ar chórais TG4.

Gheobhaidh an duine a cheapfar taithí chuimsitheach ag obair sa réimse mar Mhaor Craolacháin.

Seol CV, mar aon le d’iarratas chuig cv@tg4.ie.

An dáta deiridh a nglacfar le hiarratais: 5pm Dé Céadaoin an 27 Samhain 2024.

Beidh na hagallaimh don ról seo ar siúl le linn na chéad seachtaine de mhí na Nollaig 2024.

Is í an Ghaeilge teanga oibre TG4.

Beidh an post seo lonnaithe i gCeannáras TG4 i mBaile na hAbhann. Tá polasaí oibre solúbtha i bhfeidhm ag TG4.
 
 

Intéirneacht le Ceol TG4

Conradh Bliana

Cuirfear fáilte roimh iarratais ó thosaitheoirí nó ó chéimithe ollscoile chun tréimhse bliana a chaitheamh ar intéirneacht le TG4 i mBaile na hAbhann.
 
Is fostóir comhdheiseanna é TG4 agus déanfar iarratais incháilithe a mheas beag beann ar inscne, gnéaschlaonadh, aois, taithí shóisialta, cine agus eitneacht, éagumas, stádas sibhialta an teaghlaigh, creideamh nó ar duine den Lucht Siúil atá i gceist. Tá TG4 i bhfabhar na héagsúlachta. Fáilteoidh muid roimh iarratais ó dhaoine ó chúlraí éagsúla.
 
Is deis é seo do dhaoine atá ag tosú amach san earnáil Físe agus atá ag iarraidh taithí phraiticiúil a fháil chun cur leis an oiliúint atá faighte acu go dtí seo. Íocfar tuarastal le linn na bliana taithí oibre seo agus beidh deiseanna oiliúna eile ar fáil le linn na bliana.
Daoine a bhfuil Gaeilge den scoth acu agus a bhfuil suim acu sna hardáin shóisialta atá á lorg againn. Beifear ag súil go mbeidh scileanna taighde agus cumas maith scríofa ag an té a cheapfar chomh maith le tuiscint a bheith acu ar céard is scéal mealltach ann.
 
I measc na ndualgas a bheidh ar an té a cheapfar, beidh:

• Míreanna gearra a aimsiú, a sceidealú agus a chur in eagar le cur ar ardáin shóisialta TG4.
• Beidh ceannscríbhinn agus fotheidil le cruthú d’ábhar ar líne, mar aon le hábhar a chur in oiriúint do na hardáin shóisialta.
• Beidh an té a cheapfar ina phointe teagmhála ag an bpobal agus beidh cúram air/uirthi comhordú a dhéanamh ar fhreagraí chuig an bpobal ar na hardáin shóisialta.

 
Gheobhaidh an té a cheapfar taithí chuimsitheach ar bheith ag obair i réimse an léiriúcháin faoi láthair ina ndéantar comhordú ar obair eagarthóireachta agus ar obair foilsitheoireachta ar na hardáin Dhigiteacha.
 
Tá duine faoi oiliúint á lorg sa réimse seo a leanas:

• Intéirneacht le Ceol TG4.

 
Seol CV, mar aon le d’iarratas chuig cv@tg4.ie

An dáta deiridh a nglacfar le hiarratais: 5pm Déardaoin an 28 Samhain 2024

Beidh na hagallaimh don ról seo ar siúl le linn na chéad seachtaine de mhí na Nollaig 2024.

Is í an Ghaeilge teanga oibre TG4.

Beidh an post seo lonnaithe i gCeannáras TG4 i mBaile na hAbhann.