Tá fear sna seascaidí gafa ag na Gardaí mar chuid dá bhfiosrúchán faoi bhás fir sna Cealla Beaga i gCo Dún na nGall.
Sna seascaidí chomh maith a bhí an té a bhasaigh, Eddie Friel.
Fuarthas é gan mheabhair gan arann i dteach ar Chéide Radharc an Chuain sna Cealla Beaga tráthnóna inné agus cailleadh é ar an mball.
Tá scrúdú iarbháis le déanamh ar a chorp inniu agus is ar a thoradh a bhunóidh na Gardaí a bhfiosrúchán, a deir siad.
Idir dhá linn, tá na Gardaí i mBéal Átha Seanaidh ag achainí ar aon duine a mbeadh aon eolas acu ar ar bhain do Eddie Friel teacht chun cainte leo.
Nuacht agus Cúrsaí Reatha RTÉ