Maraíodh fear sna tríochaidí nuair a d'imigh a ghluaisrothar den bhóthar i gCo Luimnigh tráthnóna inné.
Tharla an tubaiste ar bhóthar an N69 i gCluain Riasc, Eas Géitine, go gairid roimh 8 a chlog.
Bhásaigh an fear ar an mball agus tugadh a chorp go hOspidéal Ollscoile Luimnigh, áit a ndéanfar scrúdú iarbháis air.
Is iad Gardaí an Chaisleáin Nua atá ag fiosrú na tionóisce agus tá siad ag achainí ar dhaoine a bhí sa cheantar ag an am teacht chun cainte leo, go háirithe má tá íomhánnna ó cheamara deaise acu.
Nuacht agus Cúrsaí Reatha RTÉ