Bhí Ard Fheis speisialta i mBaile Átha Cliath ag Fianna Fáil inniu agus an páirtí ag caitheamh vota ar an gClár Rialtais a aontaíodh i rith na seachtaine seo caite.
Chuir ceannaire an pháirtí,Micheál Martin an dréachtchlár faoi bhráid na mball agus thug móramh a mbeannacht dó tráthnóna.
Bhí 812 ball ar a shon agus 62 ina choinne.
Dúirt Micheál Martin nach mó ná sásta a bhí sé le meoin dhiúltach bhaill áirithe mar a thug sé air.
Bíodh sin mar atá réitíonn vóta dearfach Fhianna Fáil i gcoitinne anois an bealach do cheapachán an Rialtais tráth a dtiocfaidh an Dáil ar ais le chéile Dé Céadaoin seo chugainn.
Mura dtarlaíonn rud éigin aisteach is é Micheál Martin a thoghfar mar Thaoiseach ar an lá, fear a dúirt inniu nach mbeadh an Teachta Neamhspleách,Michael Lowry sa Rialtas nua.